USA rammi lung a khuaitu hmanthlak: A pa nih a fanu a puak buin an pam

El Salvador ram in US ah rak luh ai timmi pa le a fanu te cu Mexico in Texas ah rak luh an timhnak ah tiva nih a fanh hna i an nunnak a liam, an hmanthlak nih US rammi tampi lungkuai in a tuah hna.

An thih hnu tiang ah an pum an i then lo, a pa nih cun kum 2 lawng a si rihmi a fanu te cu a keng in a puak rih ko. An hmanthlak zoh ah ngaihchia hringhran.

A thimi chungkhar hna hi Mexico ah thla 2 an um cang. US ah luh an duh tuk cang caah tih a nun deuhnak hmun in luh an timh i an pa sual hi a si.

Tiva ah cun hringtu pa nih a fanu a puak i US lei kap tiva ral ah a chiah hmasa, a nupi rak lak than a timh lio ah a fanu cu amah lawng a um ngam lo i tiva ah a pa sin a rak zuang ve. A pa nih a chanh nak ah an pahnih in ti nih a fanh beh hna hi a si.

US le Mexico cozah i bawmh in US ram chung mipem a lutmi milu zorter ding an i timh hnu in mi tampi cu tihnungmi lampi an i thim. Tukar hi US luh ai timmi minung 6 an thi cang.

Mipem tampi nih US luh duh ah tihnung tukmi lampi an i thimmi hi Trump policy ruang ah a si tiah Trump sual a phawtu zong an um. BBC

aichi3

aichi2

aichi1