Vampang kong hnatlaknak an ser cang, Trump nih a cohlang hnga maw?

Mexico ramri ah vampang sernak ding phaisa kong ah Democrat le Republican hnatlaknak an ser cang, nain President Trump nih a cohlang hnga maw timi ruah awk ngai a si.

Vampang saknak caah Trump nih $5.7 billion hman ding a hal, nain atu hnatlaknak ning ah cun $1.37 billion lawng hman ding ti a si. Trump nih a halmi nakin a let in tlawm deuh.

Trump nih hi hnatlaknak a cohlang lo ahcun thaizing kip Zarhteni thawk in US cozah an khar than hoi lai. US ram chung cozah zung tampi an khar lai, cozah riantuantu ting 8 leng hlawh an ngah lai te lai lo.

Democrat nih vampang saknak caah US cozah phaisa hman khawh a si lo an ti caah nai kha US cozah ni 35 chung an khar. Trump nih cun vampang sak lo a si kho lo a ti ve.

Tutan hnatlaknak an sermi cu Congress ah an chuahpi lai, MP hna nih vote an thlak lai i a duhmi an tam deuh ahcun an fehter lai. Nain, Trump nih minsen a thut hlan lo cu a nung kho lo. BBC