Vawleicung a rum bikmi Amazon founder Jeff Bezos nih a nupi a then ko cang

Vawleicung ah a rum bikmi Amazon online dawr a sertu Jeff Bezos le a nupi Mackenzie cu kum 25 bak an umti i fa 4 an ngei hnu ah an i then ruangmang ko cang.

An i thennak kong cu Twitter ah Jeff Bezos le a nupi nih zapi theih ding in an thanh. Nuva sinak in kan i then cang ko zong ah hawikom sinak in hmailei caan hman kan i tim ko, kanmah pahnih kan i ton hi kan vantha tuk hringhran tiah kan tuah tiin Twitter ah ca an tial chih.

Jeff hi kum 54 a si i a nupi Mackenzie cu kum 48 a si. 1993 kum ah an rak i um, 1994 ah Amazon an rak dirh. A dirhtu cu Jeff a si ko nain a nupi zong nih tampi a rak bawm ve.
zos
Vawleicung a rum bikmi Jeff Bezos cu $137 billion a ngei, Amazon zong vawleicung man tam bik public company ah ai chuah cang. Apple zong a tei cang tinak a si.

Jeff Bezos hi phaisa tamtuk a ngeih lawng si loin inn le hmunhma tampi a ngeimi a si, a nupi zong tam lak te a cheuh ve te lai. BBC