Vietnam ah President Trump le Kim Jong-un voi 2nak an i tong than lai

North Korea nuclear kong ceih ding ah Kim Jong-un he Vietnam ah kan i tong than lai tiah President Trump nih State of the Union speech ah a chim.

Tuthla February 27-28 ah kan i tong lai, North Korea nuclear chiahter khawhnak ding caah tuah dingmi a tam tuk rih, nain Kim Jong-un he pehtlaihnak tha ngeih hi cu thiltha ngaingai a si ko tiah Trump nih a chim.

Nikum June thla ah khan Kim Jong-un le President Trump cu Singapore ah an rak i tong, North Korea nuclear chiah tak ding biakamnak zong an rak ser. An i ton hnu 2018 chung ah cun North Korea a lor tuk ti lo, hriamnam test zong a ngol beh.
totai1
Zahan zaan ah khan President Trump nih US Congress ah State of the Union biachimnak a ngei, a biachimmi hmual a ngei tuk tiah tampi nih an thangthat.

Democrat le FBI phu nih Russia kong sual kawlnak nan tuahmi hi thiltha a si lo, US a lianngannak a hrawktu a si tiah Trump nih a chim.

Mexico ramri ah vampang ser a herhnak zong a chim chih, ‘vampang kan ser hrimhrim lai, vampang kan ser khawh lawng ah US rammi kan him lai’ tiah a chim fawn. BBC