A rit buin siibawi nih naupawi paw a hlai i ngakchia le a nu an nunnak liam

India ram Gujarat state ah siibawi pakhat nih zuu a rit buin nau pawimi nu pakhat a paw a hlai i ngakchia le a nu cu a thah sual hna.

Operation a tuah cuahmah lio ah ngakchia cu a nunnak a liam cang, a dih hnu tlawmpal ah a nu cu a nunnak a liam ve. Police nih siibawi pa cu an tlaih colh.

Zeitindah a thah khawh hna timi fiang tein an thei kho rih lo, nawlngeitu nih an kherhhlai cuahmah lio a si.

Misualpa Dr PJ Lakhani hi cozah siizung ah siibawi a tuannak kum 15 leng a si cang, rian a thiam ngai tiah an ruahmi pakhat a si.

Ngakchia le a nu an thih hnu in siibawi pa nih police a chawnh colh hna, an chungkhat nih an ka that sual lai a ti. Police nih an zoh tikah zuu a ri timi an thei i an tlaih colh hi a si. BBC