Adrien Broner: ‘Manny Pakio hi knockout a tong balmi a si, hngilh lak ka thongh lai’

Boxing ah minthang bakmi Manny Pakio le Adrien Broner cu January 19 zaan ah an i phomh cang lai, Broner nih cun Pakio hi hngilh lak in ka thuat lai tiah a chim.

Manny Pakio hi voi 69 ai thua cang, voi 60 teinak a ngah i voi 7 a sung. Voi 3 hi midang nih Pakio knockout in an tei. Broner cu voi 33 ai thua, voi 3 a sung. Anih hi midang nih an knockout bal rih lo.

Midang nih voi 3 tiang knockout an tuah cangmi a si caah kei zong nih hngilh lak ka thongh ko lai tiah Broner nih a chim.

Tulio Welterweight champion hi Manny Pakio a si, Broner nih a tein sual ahcun welterweight champion thar a si lai.

Manny Pakio cu kum 40 a si cang, boxing ai thuat caan zong a sau bak ko cang. Broner cu kum 29 lawng a si rih, an kum le an experience ai thlau ngai caah tampi nih cun Pakio an zumh deuh.

An i thuatnak ding hmun cu USA Las Vegas ummi MGM Grand ah a si. PPV in an zuar, ticket pakhat ah $75 a si, hika link ah cawk khawh a si lai. ESPN

broner5

broner4

broner2

broner1