Australia ah Israel siangngakchia nute zohchia taktak in thah a tong

Australia ram Melbourne ah sianginn a kai liomi Israel nungak note Aiia Maasarwe cu inn a tin lio ah zohchia taktak in thah a tong, aruak in police nih an char.

A thattu mizeidah a si timi an thei kho rih lo. Aiia Maasarwe hi thah a ton hlan ah tlaihhrem a ton hmasa dawh a si, a ruak an hmuh lio ah a thil vialte ai phoih dih.

Show pakhat ah a kal i zaan tlai ah a tin, a tin pah ah a u nu he phone an i chawn, an i chawn pah ah thah a ton hi a si. Ruah lo piin a phone a thlak i aw-an a theih fawn caah a u nu nih Australia police phone a chawnh hna, police nih an kawl tikah a ruak in an char hi a si.

Aiia Maasarwe a ruak pawng ah luchin le pa angki pakhat an hmuh. Police nih mithattu a nehnang an lak i biatak tein an kawl cang.

Police nih an hmuhmi ruak cu a fanu a si ko timi fehter ding caah Aiia Maasarwe a pa Melbourne a ra, a ruak zong Israel ah kan tlunpi lai tiah Israel embassy nih an chim. BBC

raip

raip6

raip5

raip3

raip2

raip1