Australia meithal kahnak: ‘Kutka a hon i a hmuhmi poah a kah hna’

Australia ram chaklei ah a ummi Darwin khua ah misual pakhat nih hotel a lut i a hmuhmi poahpoah meithal in a kah hna, minung 4 an nunnak a liam.

Meithal in a kah hna hi hotel lawng ah a si lo, hotel ah a kah hna hnu in a dang hmun 4 ah a hmuhmi poah a va kah rih hna. Minung 5 hliamhma an hmu.

Misualpa cu police nih an dawi hnu ah an tlaih khawh cang. Kum 45 a si, thonginn a chuahnak a sau rih lo. Zeiruang ah dah meithal in a kah hna timi cu theih a si lo. Ralhrang minung cu a si lo an ti.

Australia ah 1996 kum thawk in meithal fawi tein cawknak nawl an phih caah meithal kahnak a tlawm ngai, meithal kahnak in a nunnak liammi an tam lo. US ah cun hibantuk thahnawnnak cu a um lengmangmi a si.

Misualpa nih hmun nga ah meithal voi 20 hrawng a puah manh. Police nih caan sau lak te an dawi, an phak hnu ah electric an laihter i an tlaih beh hi a si. BBC

khaipot3

khaipot2

khaipot1