Bawlung thiam minthang Emiliano Sala cu a nung lai timi an zum ti lo

Bawlung chuih thiam minthang ngai a simi Emiliano Sala cu vanlawng a tlaumi ah ai tel ve, atu hi an nung lai timi nawlngeitu nih an zum ti lo.

Emiliano Sala cu Premier League ah Cardiff City player a si. Argentina rammi a si i Argentina national team player zong a si chih. Kum 28 a si.

Vanlawng ah Emiliano Sala le a mawngtu lawnglawng an i tel, Nikhatni zaan ah khan an tlau cang. Atu hi Nithumni a si cang caah ruahchannak a um bak ti lo tiah nawlngeitu nih an chim.

An i citmi vanlawng a tlau hlan ah Sala nih a chungkhar ca a kuat hna, vanlawng chung ah ka um, kan vanlawng hi a kuai lai i a tla ding bantuk in a um tiin a cakuat ah cun ai tel.

Nawlngeitu nih vanlawng an kawl cuahmah, rili lak a si caah fawi tein hmuh khawh ding dirhmun ah a um lo. BBC

saala3

saala2

saala1