Boxing ah tulio tihnung bik Wilder le Tyson Fury an i phomh taktak cang ko lai

Boxing ah a sung bal bak veve lomi US minak pa Deontay Wilder le Uk rammi Tyson Fury cu thaizing Zarhteni zaan ah an i phomh taktak cang ko lai.

Boxing heavyweight ah cun Anthony Joshua, Wilder le Tyson Fury hna hi tulio tihnung bik tiah an ruahmi an si. An dihlak in an sung bal rih lo, anmah le anmah an i thua bal rih lo.

Wilder hi voi 40 ai thua cang, voi 40 ning tein teinak a hmu. Voi 39 bak hi knockout in teinak a ngah, tihnung hringhran tiah ruahmi pa a si. Kum 32 lawng a si rih.
wilder2
Tyson Fury hi kum 30 asi ve cang, voi 27 ai thua cang i voikhat hmanh a sung bal rih lo. Voi 19 knockout in teinak a hmuh. Mike Tyson a chan lio tluk in tihnung ve tiah an ruahmi a si.

Tyson hi a tung sang deuh, pe 6’9″ bak a sang. Nain, Wilder hi a record a tha deuh caah tampi nih cun Wilder hi an zumh deuh. CNN