Brazil bawlung club minthang inn a kang, bawlung thiam 10 bak an thi

Brazil ram Rio ah a ummi bawlung club minthang Flamengo cu ruah lo piin mei nih a kangh caah a chung ummi bawlung thiam 10 an nunnak a liam, a dang 3 hliamhma an hmu fawn.

A kanghnak inn hi bawlung thiam mino an umnak a si, a thimi hna hi kum 14 in kum 17 kar lawngte an si lai tiah an ruah.
ailo1
Flamengo club cu Brazil ah minthang bik pakhat a si, hi club in vawleicung bawlung thiam minthang Ronaldinho, Bebeto le Romario hna an chuak. Ronaldinho zong nih a ngaihchiatnak zong a langhter ve.

Meikangh hi zinglei 5am in ai thawk i 7am lawng ah an hmih khawh, suimilam 2 chung a kang caah a kanghmi inn cu a ciam dih ko.

Flamengo club cu Brazil ram chung club bawlung chuih zuamnak ah voi 5 tiang champion a ngah cangmi an si, atu an chuih liomi zong ah 2nak an um rih. BBC

ailo7

ailo5

ailo2