Broner he an i thongh hnu in Manny Pakio caah thawngpang chia taktak a um

Las Vegas ah Adrien Broner he an i thongh i ceilak a tei hnu ah Manny Pakio cu kehlei a mit fak i khua a hmu kho tuk ti lo, an zoh piak tikah tihnung tukmi a si kho an ti.

A mit chung lei ah a rawkmi a um, Mirangholh in cun ‘detached retina’ an ti, mit laifang a zohkhenhtu retina a rawk rua tiah an ruah. Retina a rawh taktak ko ahcun Pakio caah boxing i thongh than ding a si kho ti lomi dirhmun ah a um.

Pakio cu tlawmpal ah Philippines ah a zuang lai i mit specialist sin ai piah lai, tha tein an zoh piak lai i retina a rawk taktak maw timi an fianh te lai.

Ai vanchiatnak a dang pakhat cu Broner a tei hnu in a um lo kar Zarhpi zaan ah mifir nih US ummi a inn an luh hnawh, zei thilri dah an fir timi police nih an langhter lo.

Pakio nih Broner cei lak a thongh i a tei hnu ah Mayweather zong a singkhaw chih, boxing in i din duh hlah, i thongh than ko u sih tiah a sawm. Yahoo Sports