Cycle le motor i pahnak khuaruahhar: Video na zoh lo cun na zum kho lai lo

China ram social media ah ai phundang ngaimi hmanthlak pakhat a rak lang, zapi nih an mit hmuhmi cu an zum lo, a dik lomi a si, an ser chommi tiah an ruah cio.

Nain, Shenzhen khua ummi police nih cycle le motor an i pahnak hmanthlak fehternak caah video tiang tar in thil sining zapi sin an phuan. A theimi an khuaruahhar cio ko. An i pah lio ah motor mawngtu le cycle mawngtu hi fak tuk in an i khawng veve lo.

Motor hi tulio a lar ngaimi Toyota Corolla a si, motor ai citmi le a pahmi an him deuhnak ding caah Toyota nih motor a hmailei hi nem deuh in an ser, hi ruang ah cycle rawk loin motor lawng ceilak a rawhnak a si ti a si.