England Prince Harry a nupi Meghan nih fapa dawh a hrin cang

England mipi hna nih an zohthla ngaimi Prince Harry a nupi Meghan nih tunai ah khan fapa dawh a hrin cang, dawtu tampi nih an lawmhpi hna.

Ngakchia hi pound 7 (3.2kg) a rit. A min an pek rih lo, a min zeitindah kan pek lai timi kan tuaktan cuahmah lio a si tiah Prince Harry nih a chim.
maikan
Mizapi nih nan kan dawtnak le dirpinak cungah kan i lawm tuk hringhran, fa ngeih hi nun chung ah lawmhnak ngan bik a si ko, ka nupi zong ka uanpi tuk, a temtuar ning a fak hringhran, uar a um tiah Prince Harry nih a chim chih.

Prince Harry le Meghan hi 2006 ah an rak i uar, 2017 ah i hamnak an tuah i nikum December 15 ah thitumnak an tuah, atu fapa an ngei hi a si. A nupi Meghan hi actress minthang ngai a si, pasal belte voikhat caan tawite a ngei bal cang.

Meghan fapa dawhte a ngei hnu in mi tampi nih lawmhpinak ca an kuat cio hna, UK Prime Minister May le Church of England khrihfabu hruaitu Justin Welby zong nih lawmhpinak ca an kuat ve hna.