France datsi man kong ah mipi zohchia tak in an buai, an hrawhmi tihnung

France ram cozah nih ram chung thli thiang deuh seh an ti i mawtaw rawnmi datsi man tam lakte an kaiter, mipi an lungrawk i zohchia tak in an buai.

Lampi ah sandah an piah i an hmuhmi poah an khuai, mei an khangh. Paris khua chung mawtaw tam taktak mei an khangh cang. An buai ning le thil an hrawh ning zoh tikah tihnung taktak a si.

Atu hi zarhkhat leng an buai cang, minung 3 an nunnak a liam. Tam ngai hliamhma an hmu. 400 leng police nih an tlaih hna.

Paris khua chung ah buainak hi a zual bik, France ram chung khua dang zong ah cozah cung lungtlin lonak cu mi tampi nih an langhter ve.

France cozah nih zeitindah buainak daihter khawh a si lai timi atu khua an khan cuahmah. State of Emergency an thanh kho men tiah ruah a si.

Cozah nih datsi tax a lakmi a karhter ruang ah France ram chung datsi man 23% hrawng a kai, hiti datsi man a kai tikah mawtaw a hmangmi tampi harnak an tong i an buai hi a si. BBC

poris

poris9

poris8

poris7

poris6

poris5

poris4

poris3

poris2

poris1