India Citizenship upadi: Mizoram le pawngkam state nih fak tak in an buaimi an hlawhtling

India BJP cozah nih India rammi sinak he pehtlaih in upadi thar ser an timh, nain Mizoram le a pawngkam state hna nih fak piin an duh lonak an langhter caah India cozah nih ser an timh than ti lo.

Assam state le Mizoram ah mipi lam zawh hram an thawk ka ah cun BJP cozah nih zei an rel piak hna lo, an buai zong ah upadi cu kan fehter ko lai an ti. Nain, lam a zawhmi hna an buai ning a fak/zual tuk cang caah India cozah nih upadi ser than lo ding bia an chah hi a si.

Ser an timhmi upadi hi nunter sual hna sehlaw pawngkam Bangladesh le a dang ram in India a rak lutmi Muslim a si lomi vialte cu India rammi sinak pek a si lai, Muslim lawng pek an si lai lo.
hawi
BJP nih hi upadi ser an duhnak aruang bik hi Bangladesh in a rak pemmi Hindu pawl India citizenship pek an duh hna caah a si tiah ruah a si.

Assam le Mizoram tibantuk ah Hindu le biaknak dang mipem tampi an um, hi mipem hna citizenship an ngah ding cu kokek mipi nih an duh lo caah Modi hruaimi India cozah an buai hnawh hi a si.

Hi upadi nih Muslim a thleidang fawn hna caah India Muslim hna nih fak piin an doh ve, cozah pakhat nih hiti lawmmam in biaknak dang u-saa pek le biaknak pakhat thleidan awk asi lo an ti. BBC