India election: Pu Modi cu chei awk tha ti rua lo, landslide bak in teinak a hmuh

Hindu biaknak a tanh ngaimi a si caah Hindu phu nih an uar ngaimi India Prime Minister Modi cu tutan thimnak zong ah landslide bak in teinak a ngah rih ko, chei awk a tha ti rua lo.

India cozah ser khawhnak ding caah thutnak 272 a herh, nain atu tiang ah Modi party BJP nih thutnak 300 an ngah cang. 2014 thimnak lio nakin an thawng deuh. Mipi nih Modi an uar chinchin tinak a si.

Caan sau taktak India a hruaitu Gandhi chungkhar party Congress cu zohchia ngai in an sung, an hawikom party he thutnak dihlak 100 hmanh an hmu kho lo.
mowdi2
Congress party hruaitu Rahul Gandhi zong thimnak ah a sung chap, party pakhat hruaitu nih mah hmunhma thimnak sungh cu zohchia tuk an ti cio. Congress cu an lung dong ngai dawh a si.

Prime Minister Modi hi 2014 ah teinak a ngah hnu in vawleicung level ah minthang hruaitu pakhat ah ai chuah ve, a thawngmi hruaitu tiah tampi nih an ruah.

Nain, amah kuttang ah India sipuazi a thancho ning a nuar deuh ngai. Rian ngei lo milu zat zong tam taktak an karh. Nain, mipi nih cun Modi an mawhchiat rih lo timi tutan election nih a langhter. BBC