India pa nih a nulepa taza cuai a timh hna, ‘keimah nawl loin an ka hrin hi sual a si’ a ti

Vawleicung harnak hna hi ka nulepa nih ka hring hna hlah sehlaw ka temtuar hnga lo, anmah diriamnak caah keimah an ka hrin, anmah ruang ah harnak tampi ka temtuar tiah India pa Raphael Samuel nih a chim.

Keimah nawl loin ka nulepa nih an ka hrin hi sualnak phun khat a si, ka chuah hlan ah nawl hal khawh cu ka si lo nain hrin ding ah keimah hnatlaknak ai tel lo tiah Raphael nih a chim.

Ka nulepa nih keimah nawl peknak tel loin an ka hrin caah vawlei ka nunchung an ka cawm ding hi an rian a si, an ka cawmnak ding caah biaceihzung ah taza ka cuai hna lai tiah a chim.

Atu hi a nulepa taza cuai ding ah sihni ai hlan cuahmah, nain a cohlangmi pakhat hmanh an um rih lo. A nulepa lila hi sihni an si. Taza i cuai hna sehlaw Raphael nih a tei hna nak ding lam a tlawm ngai.

Fahnak le harnak ka ton hi aho ruang ah dah a si? Rethei thaba ngai in riantuan le huam lo buin thil tuah hi aho ruang ah dah a si? Mah vialte harsatnak hi ka nulepa nih vawlei ah ka hring hna hlah sehlaw ka tuar hnga lo tiah a chim chih.

Kan hring/hrin hlan ah biaruah khawh rak sihlaw a tha tuk hnga, bia i ruah manh sisehlaw kan hring hnga lo tiin ka nu nih aka ti tiah a chim fawn. BBC