India ram Kashmir ah Muslim ralhrang nih India ralkap 18 bak an thah hna

India le Pakistan ramri ah a ummi Kashmir ah Muslim ralhrang nih India ralkap an i citmi bus cu bomb a puah hnawh caah India ralkap 18 bak an nunnak a liam.

Kashmir peng hi Muslim ram a si, India cozah kuttang ah um an duh lo caah hriamnam an i put. India cozah ralkap he an i thua lengmang, India nih cun ralhrang tiah a ruahmi phu an si.

Bus hi ralkap 44 nih an i cit, an rat cuahmah lio lampi ah bomb in a khatmi motor pakhat nih a rak pah hna hi a si. A pah hna le cangka in bomb a puak i hizat ralkap an thih khawh hi a si.
khaico1
Ralhrang phu tiah theihmi Jaish-e-Mohammad phu nih bomb puahtu kha kanmah minung a si tiah fehternak an tuah colh ve.

A luancia 2016 zong ah khan hi ralhrang phu nih India ralkap 17 an thah bal cang hna. India cozah thinhung le lungrawk taktak in a rak um. BBC