Iraq biaceihzung nih France rammi IS ralhrang 3 thihdan an pek hna

IS ralhrang sin ah a lut vemi France rammi pathum cu Iraq biaceihzung ah an sualnak he pehtlaih in bia an ceih piak hna i thihdan bak an pek ko hna.

Biachahnak al khawhnak ding thlakhat caan an ngei, hi caan chung ah an al khawh lo ahcun hri in thlai an si ko lai. France cozah zong nih zeihmanh i thlak ai tim lo, Iraq cozah nawl a si an ti.

Mah hna hi US bawmhmi hriamtlai phu hna nih Syria ram chung ah an tlaihmi an si, an tlaihmi hna lakah France rammi 12 an i tel. 12 lakah 3 cu thihdan an pek hna hi a si.

Nuhrin covo human rights aupitu phu nih Iraq biaceihzung an soisel ngai, bia an ceihpiak hna ning a dik deuh lo, tet-te zong tha tein a um lo an ti.

Thihdan pek a tongmi an min cu Kévin Gonot, Léonard Lopez le Salim Machou an si. Gonot hi a nupi le a nu he IS sin a kalmi a si. Lopez zong a nupi le a fale he IS sin a lut ve. BBC