Israel minister hlun Gonen cu Israel a ral ngan bik Iran caah spy a tuan diam ko

Israel hrawh cikcek a timhtu ram hi Iran a si, nain Israel vuanci/minister a tuan balmi Gonen Segev cu Iran nih phaisa an pek i spy an tuanter diam ko, amah nih a phuan.

Minister cu cozah biathli tampi a theimi a si, Iran sin ah a theihmi Israel biathli vialte a phuan dih, cozah upa an sining le an thutdirnak, Israel humhimnak lei tuanvo an laknak hmun vialte zong Iran sin ah a phuan dih tiah Gonen cu sual an puh.

Gonen hi 1990s ah Israel energy minister a tuanmi a si. Minister rian an din hnu in Nigeria ah siibawi a tuan, Nigeria a um lio ah Iran embassy he an i pehtlai i Iran spy a tuan beh hi a si.

Anih hi 2005 zong ah Germany in Israel ah rithaisii a rak phorh i an tlaih bal, kum 5 thongdan an pek. Thong a chuah hnu in Nigeria ah ai thial hi a si.

February 11 ah biachahnak an tuah piak lai, a sualnak hi a zual ngai caah kum 11 hrawng thong an thlak lai tiah ruah a si. BBC