Israel Prime Minister Netanyahu a chunmang a rawk, parliament an thihter

Kan hnu thla Israel election ah Prime Minister Netanyahu party nih teinak an hmuh, nain cozah ser ding ah hawikom an i sawm khawh lo caah an thim ciami parliament an thihter.

September 17 ah Israel thimnak an tuah than lai. Hi thimnak thar ah Prime Minister Netanyahu a tling than kho ti men lai lo tiah ruah cio a si. Thimnak ah teinak a hmuh i cozah a ser khawh lo caah mipi nih a santlaih lonak an thei te lai tiah an ruah.

Israel tuanbia ah tutan hi teinak a ngahtu nih cozah ser ding hawikom MP tling an i sawm khawh lo a voi 1nak a si.

Netanyahu party nih April thimnak ah Israel parliament thutnak 160 lakah 35 an ngah khawh, thutnak tam bik a ngahtu an si caah hawikom party i sawm in cozah ser ding an si. Nain an sawm kho hna lo. Cozah ser ding ah MP 61 ngah a haumi a si.

Netanyahu hi term 4 bak Israel prime minister a tuan cangmi a si, tutan hi Israel tuanbia ah a um bal rih lomi term 5nak peh ding a si nain a hlawh tling lo. Thimnak thar ah zeidah a lawh te lai. BBC