Israel Prime Minister Netanyahu taza an cuai cang lai, thonginn panh khawh a si

Israel Prime Minister Netanyahu cu ziknawh eihmuarnak a tuah tiah sual an puh caah Israel sihni lutlai bik nih taza ka cuai lai tiah a chim ko cang.

Netanyahu nih mirum sin in laksawng tampi a cohlang, a nawlngeihnak ningcang lo in a hman an ti caah taza an cuai lai i a sual ko an ti ahcun thong a tla khomi dirhmun ah a um.

Israel ram chung thimnak hi hmaithla April 9 ah tuah ding a si. Netanyahu hi term 5nak Israel PM si ding ah thimnak campaign a tuah lio a si.

Netanyahu hi Israel media pakhat ah dawhcah deuh tein kan kong kan tial hna seh an ti i media ngeitu hna cu an dawt deuh hna, cozah nih phung a sermi zong ah media ngeitu hna an thahnemnak ding lam an sial piak hna tiah sual an puh.

Zeitikdah bia an ceih piak lai timi cu a fiang rih lo. Nain, taza cuai an timh cang ruang ah hmaithla thimnak ah a tling kho te hnga maw tiah ruah cio a si. BBC