Israel Prime Minister Netanyahu taza cuai ding police biachahnak an tuah ko cang

Ziknawh eihmuarnak an tuah tiin Israel PM Netanyahu le a nupi Sara cu taza cuai ding an si tiah police nih kherhhlainak an tuah hnu ah biachahnak an tuah.

Media pakhat ah dawhcah deuh tein kan kong kan tial hna seh an ti i media ngeitu hna cu an dawt deuh hna, cozah nih phung a sermi zong ah media ngeitu hna an thahnemnak ding lam an sial piak hna tiah Israel police nih an chim.

Kherhhlainak a tuahtu nih taza cuai ding tiah biachahnak an tuah hnu ah cun Israel ram chung sihni lutlai bik attorney general biachahnak lawng a tang cang, AG nih taza cuai ding bia a chah sual ahcun an sualnak kawl in biaceih piak an si lai.
netanyahu sara
Police sualpuhnak cu a dik lo tukmi le sullam a um lo tukmi a si tiah PM Netanyahu nih a chim.

Israel police nih PM Netanyahu a sualnak an kawl i taza cuai an timh hi a voi tam pah cang, a sualnak taktak an hmu kho bal lo caah taza an cuai kho taktak bal rih lo. BBC