Israel thimnak: Prime Minister Netanyahu nih mipi sin lunglawmhbia a chim ko cang

Prime Minister Netanyahu hi tutan Israel thimnak ah term 5 nak prime minister tuan than ding ai cuh, mee an rel dih hlan ah teinak ka ngah tiin mipi sin lunglawmhbia a chim cang.

Mee an rel dih rih lo caah hodah teitu a si timi fiangfai in an chim kho rih lo, exit poll ning ah cun Netanyahu party le an hawikom hna nih teinak ngah ding dirhmun ah an um. Nain, zuamcawhtu Benny Gantz zong nih ka tei cang tiah a chim ve.
phingpawng
Zuamcawhtu Benny Gantz hi a liberal deuhmi a si, hriamnam le aw-hrang in Palestine chawnh loin a nemnak hmurka in chawnh a duh deuh. Israel ralbawi lieutenant-general pakhat a si, ralkap rian ai din cang.

Tutan thimnak ah Netanyahu teinak a ngah rih ahcun caan sau bik Israel prime minister a tuanmi a si te lai.

“Teinak kan hmuh caah kai lawm hringhran, Israel mipi nih term 5nak tiang ka cung ah zumhnak an ngei caah kai lawm khun,” tiah Netanyahu nih a chim.

Netanyahu hi hriamnam le aw-hrang policy a kalpimi a si, raltuk a duhmi tiah cheukhat nih an theih. Liberal pawl nih cun an huat ngai. Ziknawh eihmuarnak a tuah tiin sual an puh i taza cuai zong an timh. BBC