Karachi um China cozah zung ralhrang nih an thuat, minung 4 thah an tong

Pakistan ram Karachi khua ah a ummi China cozah zung(consulate) cu ralhrang phu nih an luh hnawh i meithal in an thuat hna, minung 4 an nunnak a liam.

A thimi lakah 2 hi police an si. Ralhrang pathum zong police nih an thah manh ve hna. China cozah zung riantuantu an dihlak an him.

Ralhrang phu pakhat a si vemi Balochistan Liberation Army nih kanmah tuahmi a si, Pakistan ram chung ah China cozah sipuazi tamtuk a rak tuah hi kan rem bak lo, hi ruang ah China cozah sung kan thuat a si tiah an chim.
khongria2
Ralhrang phu hi Balochistan ram ka humhak a timi an si, Balochistan ram chung thilchuak mansung vialte Pakistan cozah nih an fir dih, Balochistan ummi hna nih kan covo kan ngah lo tiin hriamnam ai tlaihmi an si.
khongria1
Pakistan ram hmun dang zong ah nunnak thap in minung pakhat nih bomb a puah i minung 30 leng an thi fawn. BBC