Mi lungthin nuam lo tak in a tuahtu UK um Syria refugee pakhat velh a tonnak

Ral ruang ah chuahkehnak hmun Syria a zam tak i UK ah khua a sami refugee pakhat Jamal cu a sianginn kainak ah Mirangpa nih zoh dawh lo taktak in a velh.

A tengh hlei ah a kaa chung ah ti a rawn chih. Hibantuk tirawn hi waterboard an ti, a hlan ah cun misual hremnak ah an hman tawn nain atu cu zohchia tuk an ti caah nitlak lei ram tampi nih an kaltak cang, an huat tukmi a si.

Ral ruang ah chuahkehnak inn le lo a kaltak i UK zong ah hibantuk nek le zohchia in velh a ton tikah Jamal cu mizapi nih an zaangfak ngai cio, online in phaisa an hlut i $150,000 leng a phan cang.

A velhtu pa hi UK police nih an tlaih cang, bia an ceih piak lai i ceihlak dantat a tong lai tiah ruah a si.