Minung 157 an i citmi Ethiopia vanlawng accident a tong, an dihlak an thi dih

Ethiopia ram in Kenya ram ah a zuangmi Ethiopian Airlines vanlawng cu ai thawh hnu caan tlawmpal ah accident a tong i a chung ummi minung dihlak 157 an nunnak a liam.

A thimi hna hi vanlawng riantuantu 8 an si, khual tlawngmi 149 an si hna. A thimi lakah Canada 18, UK 7 le US rammi 8 an i tel ve. Kenya rammi 32 zong an i tel. A dang cu Ethiopia rammi deuh an si.

Vanlawng a tlak hlan ah vanlawng a mawngtu nih vanlawng a tluan lonak kong a chim i a ratnak Ethiopia vanlawng bual ah kir than ding nawlnak a tuah. Nain, a kir hlan ah an tlak beh hi a si.

Vanlawng cung ah zeidah a cang timi cu nawlngeitu nih an chim kho rih lo, kherhhlainak an tuah hnu lawng ah an phuan te lai.

Vanlawng hi vawlei ah a tlak hnu in mei nih a kangh chih, a tlaknak hmun zong bomb a puahnak bantuk in vawlei a kuai dih. BBC
ngeu

ngeu4

ngeu3

ngeu2

ngeu1