Nairobi hotel: Minung 14 thah an ton hnu ah ralhrang 5 an thah khawh ve hna

Kenya ram khualipi Nairobi ummi hotel ah Mulsim ralhrang 5 an lut i meithal in an hmuhmi poah an kah hna, minung 14 an thah hna.

Kenya ralkap le police nih caan saulak te an kulh hna, an thuat hna i an dihlak in an thah khawh cang hna. Ralhrang hna hi Kenya ah minung a that lengmangmi Al-Shabab minung an si.

Mithattu ralhrang 5 he pehtlaihnak an ngei tiah an ruahmi minung 2 zong Kenya police nih an tlaih ve hna.

A thimi 14 lakah US rammi pakhat le UK rammi pakhat an i tel, a dang cu Kenya rammi deuh an si hna.

Ralhrang hna hotel chung an luh lio cu CCTV video ah hmuh khawh dih an si, meithal sau ngaimi an i ken cio, an luh pah ah an hmuhmi minung an kah thluahmah hna. BBC

goman7

goman6

goman5

goman4

goman3

goman2

goman1