New Zealand: Muslim huatu mirang nih biakinn a kalmi Muslim 49 bak an thah hna

New Zealand ram Christchurch khua ah a ummi Muslim biakinn hna cu Muslim a huatu mirang nih meithal in an luh hnawh i minung 49 bak an thah hna.

Police nih mithattu Australia pa cu an tlaih cang, Nikhatni ah biaceihzung a phan lai. A dang nu pakhat le pa pahnih zong police nih an tlaih hna. Nain, mithahnak ah an i tel le tel lo cu an thei kho rih lo.

Ningani ah hin Muslim hna cu thlacam ah an biakinn an panh cio, hiti thlacam ding a rami an tam lingcing ah Australia pa nih a luh hnawh hna i a kah thluahmah ko hna hi a si.

Mithattu pa Brenton Tarrant cu kum 28 a si, Muslim le ralzam a rem lo ngaimi a si. Thah ding a kal lio ah Facebook live zong a thlah chih. A kah hna lio cu live in zapi nih zoh a si.

New Zealand hi ralhrang le misual ngaingai an tlawmnak ram a si. Tutan nikhat ah minung 49 thah an ton hi an ram tuanbia ah thihlohnak ngan bik a si. BBC

hing

hing6

hing5

hing4

hing3

hing2

hing1