Neymar tlaihhrem sualpuhnak: ‘Model nu interview zoh tikah khuaruahhar ko’

Bawlung chuih thiam minthang Neymar cu model nu Najila Trindade nih Paris hotel ah aka tlaihhrem i aka hrem chih fawn tiah sual a puh i police sin report a tuah ko cang.

TV pakhat nih model nu Najila Trindade cu interview an tuah tikah Neymar he an i pehtlaih ning fiang tein a chim, cakuat in an i chawn hmasa hnu ah Neymar he sual ding ah Paris ah ka vun rat a si a ti.

Hotel ah cun kap hnih lungtlinnak in ihti ding ka duh i condom i hruk ding ka fial nain a duh lo, cu ah cun a kutke in a ka hrem i aka tlaihhrem a si tiah Najila Trindade nih a chim.
naymo1
Model nu nih a thlakmi video pakhat cu internet ah an tar, cuka ah cun model nu nih Neymar cu a bengh chih. Video ah cun a ingtu hi Neymar a si, a hremtu hi model nu a si.

Neymar vanchiat ah a ke ai khawng fawn i a lungrawk hringhran. Model nu sual puhnak hi a dik lo tukmi a si, ka tlaihhrem hrimhrim lo tiah zapi theih in fianternak a tuah.
naymo2
Model nu nih police sin report a tuah cang caah Neymar cu a duh zong duh lo zong ah Ronaldo bantuk in biaceihzung a phanh a hau ko cang. BBC