Pakistan ah thah an timhmi Khrihfa nute caah thin a phang ngai than

Asia Bibi timi nute hi Muslim prophet a soisel an ti caah taza an cuai i a hme deuhmi biaceihzung nih thah ding bia an chah piakmi a si, nain biaceihzung ngan bik Supreme Court nih an luatter.

Muslim hna nih Asia Bibi sual an puhmi hi tet-te tha tein a um lo, sual puhnak sawhsawh a si, a sual tiah thah awk a tlak lo tiin Pakistan Supreme Court nih biachahnak an tuah.

Supreme Court biachahnak cung ah Pakistan Muslim pawl an lungtling lo, Khrihfa nute hi thah awk a si, cozah nih an that lo ahcun kanmah nih kan thah lai tiin lam an zawh, an buai.

An buai tuk hnu ah Muslim hruaitu hna le cozah kar hnatlaknak an ser, Asia Bibi hi ramdang kalter lo ding, biaceihzung ah a sualnak kawl in biaceih than ding an ti.

Supreme Court biachahnak an doh i biaceih piak than an timh tikah Asia Bibi caah thinphang ngai a si ko, a sualnak an hmuh than sual ahcun thihdan an pek than khomi dirhmun ah a um. BBC

muica

muica1