Pakistan ralkap nih India an lehrulh taktak ko cang, raltuk vanlawng 2 an kahthlak

Zahan ah India raltuk vanlawng nih Pakistan ramri lonh in Pakistan um ralhrang an thuat hna ruang ah Pakistan nih tuni kha an lehrulh ve hna, India raltuk vanlawng 2 bak an kahthlak.

An kahthlakmi vanlawng mawngtu pilot pahnih cu Pakistan ralkap nih an tlaih hna. Hliamhma an hmu ko nain an mit an khuh hna i an kut an tem chih ko hna.

India nih Pakistan raltuk vanlawng pakhat kan kahthlak tiah an chim ve. Nain, a dik lomi a si, lih an chimmi a si tiah Pakistan nih an chim.

Nai ah khan Pakistan hram bunh Muslim ralhrang phu nih Kashmir ah India ralkap 40 bak an thah hna, India an thinhung tuk i Pakistan ramri lonh in an lehrulh, nain atu cu lehrulh chin an tong.

India raltuk vanlawng pahnih kahthlak nak kong ah India cozah nih zeihmanh an chim rih lo.

1947 hnu in India le Pakistan hi voi 3 tiang an i phomh cang. Atu hi cu nuclear an ngei veve cang fawn. Biatak deuh in an i thuat sual ahcun nuclear hna an hman sual te hnga maw timi ruah awk ngai a si. BBC

aidia2

aidia1