President Trump he i ton ding ah North Korea hruaitu Kim Jong-un a rak phan cang

US President Trump he voi hnihnak i ton ding ah North Korea hruaitu Kim Jong-un cu Vietnam a rak phan cang, ai cit tawnmi tlanglawng in a rak phan.

Dong Dang tlanglawng station ah Kim a tlanglawng cu a dir, cuka cun Hanoi khua ah motor in a kal lai. Hanoi ah Trump he an i tong lai.

Pu Kim cu ai bochan ngaimi a farnu Kim Yo-jong le ralbawi General Kim Yong-chol nih an rak zulh. General Kim Yong-chol cu ramdang hruaitu he i tonnak ah Kim nih a hman ngaimi a si.

President Trump le Kim Jong-un hi nikum June thla ah voikhat an rak i tong cang, North Korea nuclear kaltak te ding zong hnatlaknak an rak ngei.

Tutan tonnak zong ah North Korea nuclear kaltaknak kong biatak deuh in an ceih lai tiah ruah a si. North Korea nih nuclear le missile a test lonak a sau ngai cang. BBC