Ralhrang nih Nairobi hotel an luh hnawh, meithal in an thuat hna

Kenya ram khualipi Nairobi hotel ah ralhrang an lut i an hmuhmi poaph meithal in an kah thluahmah hna, khuaci an mui ko.

Hotel in minung tam nawn cu thisen he an rak chuak. Minung tampi an thi lai tiah an ruah, nain tutiang ah cun a thimi zat an thei kho rih lo.

Kenya police zong a hmun ah an phan colh ve, ralhrang he biatak tein an i kap. Hotel ummi motor tam nawn zong an i kahnak ah a kang chih. Tuhi special police le ralhrang cu an i kap cuahmah rih ko.

An luh hnawhmi hotel hi a lar ngaimi pakhat a si, mirum deuh nih an panh. Khualai he aa naihnak zong a si, a hmun ah spa le dawr tampi zong a um chih.
vodio2
Al-Shabab Muslim ralhrang nih kanmah kan si, kanmah minung nih meithal he hotel an luh hnawh tiah an chim. BBC