Ralkap 40 thihnak: India nih Pakistan ramri an lonh, nuclear ngei Pakistan a thinhung bak

India ram Kashmir ah Pakistan um Muslim ralhrang phu nih India ralkap 40 bak an thah hna hnu in India cozah an thinhung tuk i Pakistan ram chung bak ah an thuat hna.

Ralhrang phu training an tuahnak hmun ah raltuk vanlawng in kan thuat hna i ralhrang tamlak te an nunnak a liam tiah India ralkap nih an chim.

India nih Pakistan ramri chung a luh hi 1971 India-Pakistan ral hnu in a voikhatnak a si. Atu lio an dirhmun cu an rak i phomh lio dirhmun he ai lo cang ko.

Ramri lonh in Pakistan ram chung bak ah bomb an rak thlak tikah nuclear ngei vemi Pakistan cu a lungrawk tuk, India tuahsernak hi kan zoh sawh lai lo, fak piin kan lehrulh ve lai an ti.

Kashmir um Muslim ralhrang phu hi Pakistan ram chung ah hmunhma a khurmi an si. Pakistan nih i dornak hmun a pek hna, a tanpi hna tiah India nih sual an phawt. Hi ruang ah nuclear ngei veve ram kar ah i hrocernak a um tawn hi a si. BBC