Research hmuhchuahnak: Na thau tuk ahcun cancer ngah a fawi

Cancer Research UK phu nih a thau tukmi cancer zawtnak an ngah ning he pehtlaih in kherhhlainak research an tuah i thau tuk ahcun cancer ngah a fawi tiah an chim.

Cancer a chuahpitu phun tampi a um. Cancer a chuahpitu 6.3% hi thau tuk ruang ah a si tiah Cancer Research UK nih an chim.

Cancer a chuahpitu lak ah tihnung bikmi cu kuak zuk hi a si, cancer a chuahpitu 15.1% hi kuak zuk ruang ah a si. Tihnung bik changtu ah thau tuk hi a si.

Minung kan thau tuk tik ah kan pumsa a riantuan ning a dik ti lo i fawi ngai in cancer a chuak kho. A bik in nu hnuk cancer, nau-inn cancer, kaal(kidney) cancer le pawpi cancer hi thau tuk ruang ah an chuak tawn.

Zuu din ruang ah cancer a chuah hi cu 3.3% a si. Zuu din nakin thau tuk hi tihnung deuh tuk tinak a si. BBC