Ronaldo cu $22 million bak an liamter ko cang, a tam hringhran ko

Ronaldo cu tax pek a hrial tiah Spain cozah nih sual an puh i taza an cuai caah atuni kha $22 million bak an liamter, amah zong nih ‘elaw, liam ko ning’ a ti ve cang.

Vawleicung bawlung chuih thiam bik tiah tampi nih ruahmi Ronaldo nih 2010 in 2014 tiang Spain cozah sin pek ding tax tam taktak a hrial, a sihni nih cun kan hrial hramhrammi a si lo, kan thei lo caah a si a ti. Nain, $22 million bak dantat a tong ko.

Ronaldo hi kum khat ah $108 million hrawng phaisa a ngah khawh caah a liammi cu amah caah cun a tam tuk lem lo, nain $22 million cu zaran nih chan chung hmuh khawhmi a si lo.

Madrid biaceihzung ah tuni biachahnak an tuah piak, biaceihzung a luh hlan ah motor in zung chung tiang luh a duh nain an sianh lo, a ke in a darling he an lut than.

Thla 23 thongdan zong an pek chih, nain Spain ram ah kum 2 tang thongdan/thlakmi cu thonginn ah an um taktak lo, luatter an si ko. Ronaldo zong Spain thonginn cun a lut lai lo tinak a si. BBC

puiro

puiro6

puiro4

puiro3

puiro1