‘Ronaldo cu Messi he tahchunhtlak a si ti lo, Messi nih a tei tuk cang’ an ti cio

Liverpool FC 3-0 in an tei hna lio ah free kick dawh taktak in a goal i Messi cu ‘vawleicung bawlung chuih thiam bik’ tiah mi tampi nih an thangthat, Ronaldo cu tahchunh awk a tlak ti lo an ti cio.

Tutan bawlung season ah Messi nih goal 46 a goal khawh cang, Ronaldo cu goal 26 lawnglawng a goal kho rih. An goal zoh ah cun Messi nih ceilak a tei, Ronaldo cu tahchunh awk a tlak lo ngai cang.

Barcelona FC zuamcawhtu a simi Liverpool FC boss Jürgen Klopp lila nih Messi hi vawleicung bawlungchuih thiam bik a si ko, al awk a um bak lo tiah a chim ve.

“Midang kong chim ka duh lem lo, nain Messi hi bawlung chuih thiam bik a si ko. Bawlung chuih thiam tampi ka hmuh hna, ka hruai fawn hna. Nain, Messi a tlukmi an um lo,” tiah Liverpool FC boss Jürgen Klopp nih a chim.

Messi le Ronaldo hi kum fatin tahchunh lengmang an si, bawlung chuih thiam bik nih ngah tawnmi sui bawlung Ballon d’Or laksawng zong hodah pek a phu deuh tiah ceih a si tawn. Voi 5 veve an ngah cang. Business Insider