Ronaldo tlaihhrem taza cuainak: US police nih DNA an hal ko cang

US model nu Kathryn Mayorga nih 2009 ah Ronaldo nih aka tlaihhrem tiah sual a puh i taza a cuai, US police nih Ronaldo a DNA an hal cang.

DNA hi minung pakhat cio nih phundang ngai in kan ngeihmi thisa hmelchunhnak pakhat a si, minung pakhat le pakhat kan DNA ai dang dih. Sual kawlnak ah DNA hi a biapi hringhranmi a si.

Kathryn Mayorga le Ronaldo hi US um Las Vegas hotel ah nightclub an kal hnu in an it ti, model nu nih cun ka duh lo buin sex a ka tuahpi, aka tlaihhrem a ti. Nain, Ronaldo nih cun kap hnih lungtlinnak in a si a ti ve.

A sualpi hnu tlawmpal ah model nu nih US police sin a phuan colh, Ronaldo cu taza cuai a ton hlan ah model nu he $375,000 dih in hnatlaknak an ser. Mah sualnak kong ah na holh ti lai lo, na hmur na cip lai tiah model nu bia an kamter.

$375,000 dih in hmur cip ding biakamnak an tuahtermi cu Ronaldo zong nih a ai phet ve lo, nain biakamnak kan tuahter hi ‘a sual ko’ kan ti ruang ah a si hrimhrim lo tiah Ronaldo sihni nih a chim. BBC

tlakk1

tlakk3