Trump nih Venezuela president a phuah, amah duhmi pakhat a thim diam ko

Tulio Venezuela ram a hruaitu President Maduro cu US cozah nih an rem lo taktakmi a si, an rem lo tuk cang caah Trump nih ‘president na si ti lo’ a ti i a dang pakhat president caah a thim.

Maduro zuamcawhtu Juan Guaidó nih ‘kei Venezuela president ka tuan chung lai, thimnak thar kan tuah than hlan chung cu’ tiah amah tein president rian ai pe, cucu Trump nih a theihpi.
vainai
Trump nih Venezuela president thar caah Juan Guaidó a theihpi hnu in Brazil le Colombia hna zong nih Trump a hnu an hun zul, an theihpi colh ve.

Nain, Venezuela ralkap le mipi cheukhat cu Maduro lei kap ah fek tein an dir rih ko caah Maduro kut ah cozah a um rih ko.

President Maduro cu a lungrawk ngai, zuamcawhtu party nih ningcang loin uknak lak an timh i US nih a rak bawmh hna, a dik lo tukmi a si a ti.

Venezuela le US cozah pehtlaihnak zong kan hrawh cikcek cang, ram chung um US rammi dihlak le embassy riantuantu dihlak suimilam 72 chung ah chuak dih uh tiah President Maduro nih nawl a chuah.

President Maduro kuttang ah Venezuela sipuazi a tumchuk ngai, ei awk ngei loin a paw tammi tam taktak an si, mipi an lungrawk caah nifatin ti awk in cozah sandah an piah hnawh, minung tampi an thi cang. BBC

vainai1