Tulio an buaipi ngaimi Saudi Arabia nu Rahaf: A raltha bak an ti cio

Rahaf Mohammed al-Qunun hi Muslim biaknak a kaltak i a nulepa sin ah a tlung ngam ti lo, atu hi Thailand ah a taap rih ko, refugee sinak a hal cuahmah.

Muslim nih biaknak kaltak hi Saudi Arabia ah cun thihdan pek khawh a si. Rahaf a nunnak caah tih a nung, ka kir ahcun ka chungkhar lila nih an ka thah ko lai, ka kir ngam ti lo tiah a chim.

Atu hi Thailand ah UNHCR le Thailand police nih an zohkhenh ko. Saudi Arabia embassy nih Rahaf kuat than ding ah Thailand cozah an forh, nain hramhram in kuat than an timh lonak kong Thailand cozah nih an chim cang.

Refugee ah ka cohlang hram uh tiah bawmh a halmi ram hna cu Canada, UK, US le Australia an si. Tutiang ah cun a cohlangtu an um rih lo. Australia nih cun Rahaf a sining kan zohfel hmasa lai an ti.

“Ka nunnak a him bak ti lo, an ka thah khomi dirhmun ah ka um. Ka tuahmi hi thil hmete a si ko nain ka chungkhar nih thah ding an ka tlerh,” tiah Rahaf nih a chim.

Rahaf nih a thil tonmi vialte cu Twitter ah a dihlak in a phuan colh dih lengmang, Twitter hmangmi tampi nih an zaangfak i an tanpi. BBC

phingko

phingko2

phingko1