UK cozah nih energy drink tih nun tuk ning an phuan, kum 18 tang cawk ngah ti lai lo

Red Bull le Monster bantuk energy drink tih an nun tuk ning cu UK cozah nih an phuan i kum 18 tang ngakchia nih cawk khawh lo nawl chuah awk a si tiah an chim ko cang.

Energy drink ah cii-ni(sugar) le caffeine tamtuk ai tel caah ngakchia ngandamnak caah tih a nung, tam tuk an din ahcun thau tuknak zong a chuahpi i a dang zawtnak tampi zong a chuahpi tiah UK cozah nih an chim.
pingpa
(Caffeine le sugar hi ngandamnak caah a tha lo ngaimi an si)

Kum 16 tang or kum 18 tang dah an ban hna lai timi an tuaktan lio a si, atu tlawmpal ah cun England ah ngakchia nih energy drink cawk khawh a si ti lai lo tinak a si.

UK le nitlak lei ram ah ngakchia thau tukmi an karh chin lengmang, ngakchia an thau tuk tik ah an ngakchiat tein dam lonak tampi an ngei. Energy drink hi ngakchia a thautertu pakhat a si ve.

UK cozah nih cun England chung lawnglawng ngakchia zuarh lo ding nawl an chuah lai, Scotland, Wales le Northern Ireland cu hi ban nak kong ah anmah tein biachahnak nawl an ngei. BBC