US le Canada i bawmh in Huawei lutlai an tlaih, China a lungrawk taktak

China company minthang Huawei i phaisa lei lutlai bik a simi CFO Meng Wanzhou cu US le Canada i bawmh in Canada ram Vancouver khua ah an tlaih, China cozah an thinhung ngai.

An tlaihnak aruang fiang tein an langhter lo, nain Iran sipuaizi phihnak ah Huawei nih zulhphung a buar caah a si lai tiah tampi nih an ruah.

Canada le USA hi misual fawi tein i kuat ding hnatlaknak tha a ngeimi an si. Ms Meng hi Canada nih USA ah an kuat colh lai tiah ruah a si.

Aruang langhter loin Ms Meng nan tlaih i nan hrem hi minung pakhat nuhrin covo buar a si, a ran khawh chung in fianternak tuah ulaw Ms Meng hi thlah than u tiah China cozah nih an chim.

Huawei phone hi vawleicung ah a lar chin lengmang, phone company ah a ngan bik changtu an si. A ngan bik phone sertu company cu Samsung a si, Apple hi 3nak a si cang.

UK, Australia le nitlak lei ram tampi nih Huawei phone thilri zuar an khap, China cozah nih a thli tein ramdang bihnak ah Huawei a hman sual lai an phan caah a si. BBC